AZAROAREN 22AN BERTSO SAIOA OIONEN...ANIMATU!!

Maiatzak 3 bertso bazkari mundiala Lapuebla de Labarcan Araba Euskaraz dela eta

Aupa bertsozale,

Datorren maiatzaren 3an, Araba Euskaraz dela eta, bertso-bazkari mundiala antolatu dugu. Arabako Errioxako Lapuebla de Labarcan izango da, COVILA upategian.

Honako bertsolariak izango ditugu gurean:

AMETS ARZALLUS
MAIALEN LUJANBIO
IGOR ELORTZA
IÑAKI VIÑASPRE
ORLANDO ARREITUNANDIA

Gai-jartzailea: ALAZNE GARCIA (TXANDRIO BERTSO ESKOLA)
13:30tan bisita COVILA upategian
14:30tan bazkaria COVILA upategian
Bazkalostean bertso-saioa.
Prezioa: 26 €
Izena-ematea:
1.- Telefonoz: 945 607199
2.- E-mailez: arabaeuskaraz@ehi.ikastola.net
3.- Zuzenean: trasferentzia egin honako kontu korronte zenbakira:

ES84 2095 3258 20 9113157670
erreferentzia: M3 (izen-abizenak)

Zabal ezazue mezu hau bertso eskola, euskaltegi, ikastetxe, kultur talde edo inguruko bertsozaleei,

Animatu!!

_________________________________

Txandriotarrak Lantziegon

Datorren larunbatean, ekainak 29, azoka ospatuko da Lantziegon. Bertan eguerdiko 12:00tan eta plazatik abiatuta bertso-triki-poteoa izango da herrian zehar Lantziegoko trikitilariekin eta txandriotarrokin.

Animatu zaitezte eta bertsoekin gozatu!!

Ostiral honetan Maeztun bertso afaria... eman egurra Orlando!!

Ostiral honetan, ekainaren 21ean, iluntzeko 21:00etan Mendialdeko bertso-eskolak antolatuta bertso-afaria izango da Maeztuko Teleclubean.

"Arabako Bertso-eskolek 11 opari" aitzakia hartuta Jon Ruiz de Pinedo, Iker Pastor Rodriguez, Irati Anda eta Orlando Arreitunandia izango dira kantari. Animatu zaitezte giro ezinhobea izango baita!!

Txandriotarrak Mendabian bertso tailerrean "maisu"

Mendabiako euskal asteburua aitzakia harturik txandriotarroi deitu gintuzten bertso-tailerra emateko. Dozena bat lagunen aurrean Orlando eta Iker ibili ziren bertsolaritzaren nondik norakoak azaldu nahian. Azalpen sakonik ez zuten izan behar lanean hasteko, ikasle azkarrak izan baitziren: errimekin jolastu ostean zortziko txiki pare ederra sortu eta kantatu zuten. Gai-jartzaile lanetan jarri eta "maisuei" kantuan jarri arazi zieten saiotxo majoa eginez. Gogotsu eta gustura bukatu genuen bertan izan ginenok. Bejondeizuela Mendabia!! Txandriotarron partez esker ona eta plazer handia.

Euskal Kultur Asteburua Oionen (maiatzak 31 eta ekainak 2)

Ttiki-ttaka, Arabako Errioxako euskaldunon elkarteak EKA (Euskal Kultur Asteburua) antolatu du. Aurten, Oionen ospatuko da eta oso eskaintza zabala egin dute ume, gazte zein helduek parte hartzeko euskaraz eta euskararekin gozatuz.


Txandriotarrok ere bertan izango gara gure bertso kontuekin eta "txandriokeriak" lau haizetara zabalduz. Igandean eguerdiko 13:00tan Oiongo plazan bertso-saioa izango dugu: Oihane Perea, Iker Pastor, Unai Bengoetxea eta Iker Olabarrieta bertsolariak Arantxa Sobrino gai-jartzailearen esanetara jarriko dira. Oihane Perea eta Iker Pastor Lautadatik etorriko dira haien bertsokera zoragarriarekin saio ederra egiteko asmoz. 

Beraz, badakizue, hitza, errima eta doinua entzungai izango dira berriz ere, Arabako Errioxan... ANIMATU!!

Txandriotarrak Eskuernagan primeran!!

Maiatzaren 10an Orlando, Unai eta Iker Eskuernagan ibili ziren "Oiana" trikiti eta pandero taldearekin batera (Oion eta Biana izenen nashaketa). San Torkuato jaien hasiera eguna zela eta, aitzakia ederra zuten txandriotarrok Eskuernagako tabernak girotzeko. Eta hala izan zen: plazan hasi ziren giro lasai batean, baina Sotera tabernara heldu orduko zirikatzeko gogoa eta ondo pasatzeko asmoa nabarmen hazi zen. "Guantanamera" doinua lagun kopla saio ederra egin zuten eta trikiti kuadrillatxoak ederki girotu zuen tabernan zegoen gizaki bakoitza. Kikoren tabernan, berriz, "Hegan noa" doinu "runberoarekin" jendea "palmak" ematen eta anbientea topera. Plazara bueltatu orduko "zazpi jauzi" erraldoia dantzatu zuten plazan makina bat jendek eta plazako tabernan eman zitzaion bi ordu inguruko bertso-triki-poteoari punturik altuenean, alkateak ere entzun behar izan baitzituen txandriotarron eztenkadak "Egun da Santimamiña" doinuan. "Beste bat" eta guzti eskatuta eskuernagarrek txalo zaparrada ederra eskeini zieten bertso-trikititiriteroei. Saio polita eta jendeak gozatzeko aina eman zuen, beraz, hamaika opari eraman eta hamaika txalo jasota bueltatu ziren txandriotarrak etxera bueltan.

Txandriotarrak Eskuernagan maiatzaren 10an

Txandriotarrak Eskuernagan izango gara maiatzaren 10an bertso-poteoan. Iluntzeko 20:00tan hasiko da jarana, beraz, ez galdu. Zatoz!!

Bertso saio didaktikoa Oionen, Felipe maisu...!!

Abenduaren 13an euskaltegian bertso saio didaktikoa izan genuen. Bertan, Felipe Zelaieta bertsolariaren eskutik bertsoaren nondik norakoak, bertso saio motak, ariketa ezberdinak eta beste hamaika kontu izan genuen hizpide. Bertso sortak ere kantatu genituen eta Feliperekin batera Unai eta Ikerrek ere bat-bateko saiotxo bat egin zuten. Hona saio horretan jasotako irudi batzuk.

Bertso-saio didaktikoa Oionen

2012-12-13, osteguna,

Bertso-saio didaktikoa: bertsozaletu. 19:00 IKA euskaltegian. 
Bertsolariak: Felipe Zelaieta, Unai Bengoetxea 
Antolatzailea: Arabako Bertsozale Elkartea 

ARABAKO BERTSO ESKOLAK: 30 URTE 11 ORDU

              Urriaren 27an Arabako bertsolaritzak egun handia ospatu zuen: 30 urte dira dagoeneko lehen bertso eskolak sortu zirenetik. Modu ezinhobean ospatu zen 11 orduz bertsotan ibili baikinen Gasteizen. Bertso eskola guztiak elkartzeko aukera paregabea eta, noski, txandriotarrak bertan izan ginen: bertsokeriketan ibili ginen tabernaz-taberna, bertso-dantza, bertso-batukada eta iluntzean omenaldi hunkigarria Jimmy Jazz aretoan lehengo gaurko eta etorkizuneko bertsozale zein bertsolari, gai-jartzaile, laguntzaile eta orohar bertsoekin gozatzen duen edonori. Jaiari bukaera emateko "BERTSO TAVERN" irlandar doinuak eta bertsoak era bihurri eta festazale batean nahasten duen taldeak ederki berotu zuten giroa... ZORIONAK eta ea laurogei urte barru ospatzeko aukerarik dugun.

2012-10-27 Gasteiz 11 ordu bertsotan

ZORIONAK IRULE!!

             Duela 25 urte Oiongo Irule kultur taldea sortu zen. Txandrio bertso-eskolak antolatutako bertso-poteoetan laguntza izugarria eman digute; trikitixak eta panderoak astinduz sekulako giroa jarri dute Oionen bertsolaritza aitzakia hartuta, baita dantzarazi ere, beraz, Txandrio bertso-eskolaren partez: ZORIONAK eta AURRERA SEGI...

             Urriaren 20an IRULEKOEK Oionen ospatu zuten mende laurdena eta txandriotarrok bazkalostean gure eskerrak emateko aukera izan genuen bertso batzuk kantatuz...

"MENDE LAURDENA PASA DA

ALDAKETA HANDIK HONA

DANTZARI GAZTEA ZENA

LASTER AITON ETA AMONA

OIONGO HERRIAN JARRIZ

GIRO JATOR ETA ONA

EUSKAL DANTZEK ETA KANTEK

ZUOKIN BADUTE SONA

EUSKAL KULTURAREN ALDE

EDERRA LANA ZUONA

LAU HAIZETARA ZABALDUZ

POZA ETA ZORIONA

ZUOK MEREZI DUZUE

HERRIGINTZAREN DIPLOMA

AURRERA SEGI IRULE,

DUZUENA DA KRISTONA"

 

Oiongo jaietan bertso poteoa 2 (argazkiak)

Pasa den abuztuaren 26an Oionen izan zen bertso-poteoaren argazki gehiago dituzue. Xabi Igoa aramaixoarra eta Orlando eta Iker txandrioatarrak izan ziren kantari hainbat trikitilari eta panderojoleekin batera giro ederrean. Tabernaz taberna dantzan, kantuan eta poteoan ibili zen bertartu zen jendea. 

Oiongo jaietan bertso poteoa

Takoneran bertsotan !!

Horixe ondo irakurri duzuela!!! Bai, bai.... takonera irakurri duzue, bertsotan takoneran!! Ez duzuela sinisten, hemen proba grafikoa:


 Aupa Orlando, Iker, Unai eta Alazne!!

Saio berria, gure herrian!!!

KUADRILLA ARTEKO BERTSO txapelketa

OTSAILAK 25, LARUNBATA, Oionen, Azkenak elkartean, 14:00

Bazkarian (15€) izena emateko osteguna azkeneko eguna. Deitu: 600 083 476

Autobusa dohainik: Agurain (10:15), Kanpezu (11:00), buelta saioa bukatu ondoren. Izena emateko araba.sustapena@bertsozale.com edo 675707971

Bat-batekoa: Arabako Errioxa Vs Zalduondo Zeledonen seme-alabak

Idatzizkoa: Lautadako Txor eta Tan, Mendialdeko Bertso-eskola

www.arabakotxapelketa.org

___________________________

Asier Lafuente Ruiz de Sabando

Sustapen eragilea Benito Perez Galdos z/g 01002 Gasteiz T.: +34 945 010 505 M.: +34 675 707 971 www.bertsozale.com

Errioxa bertsotan 1º saioa

Oiongo jaietan egindako bertso afariko argazki eta bideoak. Lehenengoa izateko "elegante" atera zen, ederki osatu genuen eta txapelketarako motorrak berotzen hasteko nahikoa.